L-esperti mill-Organizzazzjoni għall-Kooperazzjoni u l-Iżvilupp Ekonomiċi (OECD) u l-Osservatorju Ewropew dwar is-Sistemi u l-Politiki tas-Saħħa (Osservatorju) ħejjew sett ta’ 29 Profil tas-Saħħa tal-Pajjiżi, li jkopru l-Istati Membri kollha tal-UE, kif ukoll l-Iżlanda u n-Norveġja. Il-Profili tas-Saħħa tal-Pajjiżi ta’ L-Istat tas-Saħħa fl-UE tfasslu biex ikunu punt uniku ta’ għarfien u informazzjoni dwar is-sistema tas-saħħa tal-pajjiżi, imqiegħdin f’perspettiva ta’ paragun bejn il-pajjiżi tal-UE. Huma riżorsa komprensiva li tkopri l-aħħar sfidi u żviluppi dwar il-politika tas-saħħa f’kull pajjiż.
Kull Profil tas-Saħħa tal-Pajjiż jipprovdi
- sinteżi qasira tal-istatus tas-saħħa fil-pajjiż
- id-determinanti tas-saħħa (b’enfasi fuq il-fatturi ta’ riskju tal-imġiba)
- rendikont tal-organizzazzjoni tas-sistema tas-saħħa
- analiżi tal-effettività, l-aċċessibbiltà u r-reżiljenza ta’ kull sistema tas-saħħa.
Dan il-qafas kunċettwali huwa bbażat fuq l-objettivi stabbiliti fil-Komunikazzjoni tal-Kummissjoni dwar sistemi tas-saħħa effettivi, aċċessibbli u reżiljenti.
Il-Profili tas-Saħħa tal-Pajjiżi tal-2021 jirriflettu l-isfidi speċifiċi tas-sistema tas-saħħa fil-kuntest tal-pandemija tal-COVID-19. Dawn jipprovdu rendikont analitiku tar-rispons tas-sistemi tas-saħħa nazzjonali għall-pandemija tal-COVID-19.
Kull fejn kien xieraq, il-Profili tas-Saħħa tal-Pajjiżi tal-2021 jorbtu wkoll l-għarfien analitiku ppreżentat fit-test mal-aktar attivitajiet importanti tal-politika tas-saħħa tal-UE li qed jiġu implimentati fil-qafas tal-Unjoni Ewropea tas-Saħħa, bħall-Pjan tal-Ewropa biex Jingħeleb il-Kanċer, l-Istrateġija Farmaċewtika għall-Ewropa u l-Ispazju Ewropew tad-Data dwar is-Saħħa.
Il-Profili tas-Saħħa tal-Pajjiżi huma akkumpanjati minn Rapport ta’ Akkumpanjament.
Profili tas-Saħħa tal-Pajjiżi tal-2021
* Jekk jogħġbok uża l-Internet Explorer jekk tiltaqa’ ma’ problemi biex tiftaħ il-files fil-Google Chrome.
