Proċess tat-teħid tad-deċiżjonijiet
Biex tfittex il-qbil dwar iż-żewġ abbozzi li jistabbilixxu l-kriterji xjentifiċi għall-identifikazzjoni tal-interferenti endokrinali, il-Kummissjoni impenjat ruħha b'mod parallel mal-esperti u r-rappreżentanti tal-pajjiżi tal-UE responsabbli għall-prodotti bijoċidali (BP) u l-prodotti għall-protezzjoni tal-pjanti (PPP) permezz tal-proċeduri tal-adozzjoni mbassra.
Waqt il-laqgħa tal-Kumitat Permanenti dwar il-Pjanti, l-Annimali, l-Ikel u l-Għalf (PAFF) dwar il-leġiżlazzjoni tal-Pestiċidi fit-12/13 ta’ Diċembru 2017, ir-rappreżentanti nazzjonali tal-UE vvutaw favur abbozz ta’ Regolament ġdid li jistabblixxi l-kriterji għall-identifikazzjoni tal-interferenti endokrinali fil-kuntest tal-leġiżlazzjoni dwar il-pestiċidi. La l-Kunsill u lanqas il-Parlament Ewropew ma oġġezzjonaw għall-abbozz tal-kriterji matul il-perjodu ta’ skrutinju li ntemm fid-9 ta’ April 2018. Il-Kummissjoni adottat il-kriterji fid-19 ta’ April 2018.
Il-kriterji għas-sustanzi attivi użati fil-prodotti għall-protezzjoni tal-pjanti huma ppubblikati u daħlu fis-seħħ fl-10 ta’ Mejju 2018. Dawn se japplikaw mill-10 ta’ Novembru 2018 għall-applikazzjonijiet kollha ġodda u li għadhom għaddejjin għas-sustanzi attivi użati fil-prodotti għall-protezzjoni tal-pjanti.
- Ir-Regolament tal-Kummissjoni (UE) 2018/605 tad-19 ta’ April 2018
- Ir-Rettifika għar-Regolament tal-Kummissjoni (UE) 2018/605
- Il-proċess ta' teħid tad-deċiżjonijiet dwar il-kriterji għall-PPP
Fl-4 ta’ Settembru 2017, il-Kummissjoni adottat Regolament Delegat dwar il-kriterji xjentifiċi għall-identifikazzjoni tal-interferenti endokrinali għall-prodotti bijoċidali. La l-Kunsill u lanqas il-Parlament Ewropew ma oġġezzjonaw għar-Regolament Delegat matul il-perjodu ta’ skrutinju li ntemm fl-4 ta’ Novembru 2017.
Il-kriterji għas-sustanzi użati fil-prodotti bijoċidali huma ppubblikati u daħlu fis-seħħ fis-7 ta’ Diċembru 2017. Dawn se japplikaw mis-7 ta’ Ġunju 2018 għall-applikazzjonijiet kollha ġodda u li għadhom għaddejjin għas-sustanzi użati fil-bijoċidi.
- Ir-Regolament Delegat tal-Kummissjoni (UE) 2017/2100 tal-4 ta' Settembru 2017
- Il-proċess ta' teħid tad-deċiżjonijiet dwar il-kriterji għall-BP
Kien hemm skambju ta’ ittri dwar il-kriterji bejn il-Kummissarju Andriukaitis u l-President tal-Kumitat ENVI tal-PE fit-18 ta’ Ottubru 2016 u s-26 ta’ Ottubru 2017.
Implimentazzjoni tal-kriterji
Issa hu disponibbli dokument ta’ gwida għall-identifikazzjoni ta’ sustanzi bi proprjetajiet ta’ interferenti endokrinali fil-pestiċidi u fil-bijoċidi (7 ta’ Ġunju 2018).
Id-Dokument ta’ gwida ġie żviluppat mill-Awtorità Ewropea dwar is-Sigurtà fl-Ikel (EFSA) u l-Aġenzija Ewropea għas-Sustanzi Kimiċi (ECHA) bl-appoġġ taċ-Ċentru Konġunt tar-Riċerka (JRC) tal-Kummissjoni Ewropea.
- Avviż tal-Kummissjoni dwar id-disponibbiltà u l-applikabbiltà tad-dokument ta’ gwida
- Dokument ta’ gwida (7 ta’ Ġunju 2018)
- Mandat
- Addendum għall-mandat
- Deskrizzjoni tal-Gwida tal-EFSA u tal-ECHA (20 ta’ Diċembru 2016)
- Konsultazzjoni pubblika dwar l-abbozz tal-Gwida (miftuħa mis-7 ta’ Diċembru 2017 sal-31 ta’ Jannar 2018)
Valutazzjoni tal-impatt
Qabel ma ppreżentat il-kriterji għall-identifikazzjoni tal-interferenti endokrinali fil-kuntest tar-regolamenti dwar il-prodotti għall-protezzjoni tal-pjanti u l-prodotti bijoċidali, il-Kummissjoni Ewropea wettqet valutazzjoni tal-impatt komprensiva biex tanalizza opzjonijiet differenti għad-definizzjoni tal-kriterji għall-identifikzzjoni tal-interferenti endokrinali.
- Il-pjan direzzjonali tal-valutazzjoni tal-impatt ġie ppubblikat f’Ġunju 2014.
- Waslu 27,000 risposta għal konsultazzjoni pubblika bejn is-26 ta’ Settembru 2014 u s-16 ta’ Jannar 2015. Ir-risposti kollha mhux kunfidenzjali ġew ippubblikati fit-2 ta’ Frar 2015. Ir-rapport dwar il-konsultazzjoni ġie ppubblikat fl-24 ta’ Lulju 2015.
- Il-valutazzjoni tal-impatt ġiet ippubblikata f’Ġunju 2016, flimkien mas-sommarju eżekuttiv tagħha.
- Bħala l-ewwel input fil-valutazzjoni tal-impatt intuża studju li jivvaluta liema sustanzi kimiċi jkunu identifikati bħala interferenti endokrinali taħt opzjonijiet differenti għall-kriterji. Kuntrattur indipendenti online applika metodoloġija żviluppata miċ-Ċentru Konġunt tar-Riċerka (JRC) tal-Kummissjoni biex jiskrinja l-evidenza disponibbli ta’ madwar 600 sustanza kimika.
Djalogu mal-partijiet interessati
Fil-kuntest tal-valutazzjoni tal-impatt il-Kummissjoni Ewropea tkellmet mal-partijiet interessati u persuni li jfasslu l-politika oħrajn fi djalogu miftuħ u trasparenti matul il-proċess tal-identifikazzjoni tal-kriterji. L-avvenimenti inkludew:
- Grupp ta’ Ħidma tal-Grupp Konsultattiv dwar il-Katina Alimentari u s-Saħħa tal-Annimali u tal-Pjanti ad hoc, li ppreżenta l-abbozzi tal-atti li jistabbilixxu l-kriterji xjentifiċi għall-identifikazzjoni tal-interferenti endokrinali.
- Laqgħa teknika dwar il-metodoloġija tal-JRC għall-iskrinjar tal-evidenza tas-sustanzi kimiċi.
- Konferenza ta’ ġurnata dwar il-kriterji għall-identifikazzjoni tal-interferenti endokrinali
- Tliet laqgħat madwar il-mejda bejn il-partijiet interessati, il-pajjiżi tal-UE u l-Membri tal-Parlament.