L-evalwazzjonijiet tal-Kummissjoni jivvalutaw il-prestazzjoni tal-politiki, il-programmi u l-leġiżlazzjoni eżistenti. L-evalwazzjoni tuża evidenza biex tiġġudika kemm ħadem (jew kemm qed jaħdem) tajjeb l-intervent, filwaqt li tqis previżjonijiet preċedenti li saru fil-kuntest ta’ valutazzjoni tal-impatt preċedenti. L-evalwazzjoni tmur lil hinn minn valutazzjoni ta’ x’ġara; din tqis għaliex seħħet xi ħaġa (u x’rabtiet, jekk hemm, jistgħu jsiru mar-rwol tal-intervent tal-UE) u, jekk possibbli, kemm inbidel bħala konsegwenza. Għalhekk għandha l-għan (fejn possibbli) li tislet konklużjonijiet dwar l-effetti kawżali tal-intervent tal-UE fuq l-eżiti mixtieqa.
Din l-evalwazzjoni waslet fi żmien ta’ impetu mġedded għall-azzjonijiet ta’ kontroll tat-tabakk fl-UE, miġjuba mill-Pjan Ewropew biex Jingħeleb il-Kanċer (EBCP). Il-pjan jitlob il-ħolqien ta’ “Ġenerazzjoni Ħielsa mit-Tabakk”, fejn inqas minn 5% tal-popolazzjoni tuża t-tabakk sal-2040, meta mqabbla ma’ madwar 25% tal-lum. L-għan interim huwa li tintlaħaq il-mira tad-WHO ta’ tnaqqis relattiv ta’ 30% fl-użu tat-tabakk sal-2025 meta mqabbel mal-2010, li jikkorrispondi għal prevalenza tat-tipjip ta’ madwar 20% fl-UE.
Dan is-sit web tal-konsultazzjoni politika huwa ddedikat għall-Evalwazzjoni tal-qafas leġiżlattiv għall-kontroll tat-tabakk u se jiġi aġġornat fuq bażi regolari b’informazzjoni dwar l-aktar żviluppi reċenti u l-attivitajiet ta’ konsultazzjoni li ġejjin. Se jintuża wkoll biex jintlaħqu u jiġu mistiedna gruppi ta’ partijiet ikkonċernati rilevanti biex jipparteċipaw bl-iktar mod effettiv, kif ukoll biex jitħabbru l-avvenimenti li ġejjin.
Dokumenti relatati
- Rapport dwar l-applikazzjoni tat-TPD
- Studju ta’ sostenn għar-rapport dwar l-applikazzjoni tat-TPD
- Studju dwar ambjenti bla tipjip u reklamar tat-tabakk u prodotti relatati
- Rapport dwar l-implimentazzjoni tad-Direttiva tal-UE dwar ir-Riklamar tat-Tabakk
- Studju dwar “Il-preferenza tal-konsumatur u l-perċezzjoni ta’ kategoriji speċifiċi ta’ tabakk u prodotti relatati”
- Opinjoni ta’ SCHEER dwar is-sigaretti elettroniċi
- Ewrobarometru Speċjali 506 (dwar l-attitudnijiet tal-Ewropej lejn it-tabakk u s-sigaretti elettroniċi)
- Riżultati tal-Azzjoni Konġunta dwar il-Kontroll tat-Tabakk, li appoġġjaw l-implimentazzjoni tat-Direttiva dwar il-Prodotti tat-Tabakk fil-pajjiżi tal-UE
- Reviżjoni tal-2012 tad-Direttiva dwar il-Prodotti tat-Tabakk
