Il-Eurostat, l-uffiċċju statistiku tal-Unjoni Ewropea hu s-sors ewlieni tad-data komparabbli tal-UE. Id-data dwar is-saħħa hi bbażata fuq ir-regolament qafas dwar l-istatistika tas-saħħa u l-atti legali derivati. Is-sorsi l-oħra jistgħu jikkomplementaw id-data dwar is-saħħa tal-UE fuq suġġetti speċifiċi ħafna.
Eurostat - is-sors ewlieni tad-data dwar is-saħħa tal-UE
Il-Eurostat jipprovdi żewġ tipi ta’ data dwar is-saħħa, Amministrattiva, bħall-istatistika dwar il-kawżi tal-mewt u d-data awtorapportata mill-Istħarriġ Ewropew dwar is-Saħħa permezz ta’ Intervisti (EHIS) jew il-Modulu Minimu dwar is-Saħħa Ewropea (MEHM) tal-istħarriġ UE-SILC. It-temi koperti minn dawn jinkludu:
- L-istatus tas-saħħa
- Id-determinanti tas-saħħa
- In-nefqa fuq il-kura tas-saħħa
- Ir-riżorsi u l-attivitajiet tal-kura tas-saħħa
- Il-kawżi tal-mewt
- Is-saħħa u s-sikurezza fuq il-post tax-xogħol.
Id-data dwar is-saħħa tal-Eurostat hi ħafna drabi komplementata minn statistika oħra tal-UE dwar id-data soċjali, il-popolazzjoni u l-kwalità tal-ħajja. L-istatistika tal-UE li tkun ġejja minn data amministrattiva hi normalment disponibbli skont is-sess u l-gruppi ta’ età.
Id-data mill-istħarriġiet tinqasam fi gruppi skont l-istatus soċjoekonomiku bħall-edukazzjoni u d-dħul, il-livell, l-istatus ta’ attività, il-livell ta’ urbanizzazzjoni, eċċ. Xi statistika tal-UE tinqasam ukoll skont il-livell reġjonali jew urban.
Servizzi tal-Kummissjoni, sorsi oħrajn tad-data dwar is-saħħa tal-UE
- Is-Sistemi ta’ Informazzjoni dwar il-Kanċer Ewropea (ECIS) miċ-Ċentru Konġunt tar-Riċerka
- L-istħarriġiet tal-Ewrobarometru li jiffokaw fuq l-opinjoni pubblika tal-UE dwar kwistjonijiet relatati tas-saħħa.
Aġenziji tal-UE, sorsi oħrajn tad-data relatata mas-saħħa tal-UE
- Iċ-Ċentru Ewropew għall-Prevenzjoni u l-Kontroll tal-Mard (ECDC)
- Iċ-Ċentru Ewropew għall-Monitoraġġ tad-Droga u d-Dipendenza fuq id-Droga (EMCDDA)
- Il-Fondazzjoni Ewropea għat-Titjib tal-Kondizzjonijiet tal-Ħajja u tax-Xogħol (EUROFOUND).
Bażijiet tad-data rilevanti
- Eurobase
- L-għodda tad-data tal-ECHI
- L-istatistika dwar is-Saħħa tal-OECD
- Il-Gateway tal-Informazzjoni dwar is-Saħħa Ewropea tad-WHO
- Il-bażi tad-data dwar il-korrimenti
Klassifikazzjoni Internazzjonali
Is-sistemi ta' klassifikazzjoni huma għodod li jippermettu r-reġistrazzjoni ta’ data armonizzata biex tkun tista’ tiġi akkwistata data komparattiva Jistgħu jinħolqu listi mqassra fuq il-bażi tas-sistemi ta' klassifikazzjoni. Il-Kummissjoni Ewropea tuża dawn il-klassifikazzjonijiet internazzjonali sabiex tiġbor data ta' kwalità għolja u armonizzata.
Sistemi ta' klassifikazzjoni ewlenin
- Il-Klassifikazzjoni Statistika Internazzjonali tal-Mard u ta’ Problemi Relatati mas-Saħħa (ICD)
- Ir-Referenza u l-Ġestjoni tan-Nomenklatura tal-Eurostat (RAMON)
- Is-Sistema tal-Kontijiet tas-Saħħa (SHA)
Sistemi oħra ta’ klassifikazzjoni
- Il-Klassifikazzjoni Internazzjonali tal-Funzjonament, tad-Diżabilità u tas-Saħħa (ICF) hi sistema bbażata fuq mudell bijopsikoloġiku tal-funzjonament u d-diżabilità
- Il-Klassifika Internazzjonali Standard tal-Impjiegi (ISCO) hi użata għad-definizzjoni tal-professjonisti fil-kura medika
- Il-Klassifikazzjoni Standard Internazzjonali tal-Edukazzjoni (ISCED)
- Il-Gruppi Relatata mad-Djanjożi (DRGs), sistema li tippermetti l-valutazzjoni tal-ispejjeż tal-kura tas-saħħa permezz ta’ klassifikazzjoni tal-pazjenti
- Il-Klassifikazzjonijiet tal-mard rari - il-kodiċijiet Orpha - huma disponibbli minn Orphanet
- Id-definizzjonijiet tal-każi ta’ mard komunikabbli
